Osmani për Masakrën e Rezallës: Sjellja para drejtësisë e autorëve të krimit është e domosdoshme

10:35 | 5 Prill 2024
A Z

Presidentja e Kosovës, Vjosa Osmani, në përvjetorin e 25-të të Masakrës së Rezallës, ka thënë se sjellja para drejtësisë e autorëve të krimit është e domosdoshme.

Ajo tha se më 5 prill të vitit 1999, forcat serbe rrethuan shtëpitë e fshatit Rezallë dhe në mënyrë mizore vranë 98 djem e burra.

“Forca të regjimit gjenocidal të Serbisë, më 5 prill të vitit 1999 rrethuan shtëpitë e fshatit Rezallë dhe në mënyrë mizore vranë 98 djem e burra. Eshtrat e 44 të vrarëve janë gjetur disa vite më pas në Rudnicë të Rashkës. Regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme. Drejtësi për viktimat dhe kujtim i përhershëm për to. Qoftë i përhershëm kujtimi për të gjithë të rënët për liri”, ka thënë e para e shtetit.